IMZO Fabrikasiga Ekologiya partiyasi azolari tashrif buyurdi

31.10.2025

Bugun Yangihayot tumanidagi IMZO fabrikasida O‘zbekiston Respublikasi Oliy Majlisi Qonunchilik palatasi byudjet va iqtisodiy masalalar qo‘mitasi a’zosi, O‘zbekiston Ekologik partiyasining Yangihayot tumanidan saylangan deputati Olga Ivanovna Litvinova tashrif buyurdi.

Uchrashuv davomida quyidagi asosiy masalalar muhokama qilindi:

yoshlarning mehnat bandligi va ijtimoiy jihatdan qo‘llab-quvvatlanishi;

xodimlarning mehnat sharoitlarini yaxshilash;

ekologik madaniyat darajasini oshirish;

chiqindilar va oqova suvlarni samarali boshqarish.

Alohida e’tibor korxonaning filtrlash va ventilyatsion tizimlarining faoliyatiga qaratildi.

Tashrif konstruktiv ruhda o‘tdi. Tomonlar ekologik standartlarni joriy etish va ishlab chiqarishni barqaror rivojlantirish yo‘nalishidagi hamkorlikni davom ettirishga tayyor ekanliklarini bildirdilar.