AKFA Group KazBuild 2025 xalqaro ko‘rgazmasida zamonaviy yechimlarni taqdim etdi

04.09.2025

Ayni kunlarda Olmaota shahrida Markaziy Osiyo qurilish industriyasidagi muhim tadbirlardan biri – KazBuild 2025 xalqaro ko‘rgazmasi bo‘lib o‘tmoqda.

Bugun ushbu ko'rgazmaga AKFA kompaniyalar guruhi asoschisi Jahongir Obidovich Ortiqxo'jayev tashrif buyurdi.

KazBuild 2025 doirasida AKFA Holding tarkibiga kiruvchi kompaniyalar quyidagi yo‘nalishlar bo‘yicha ishtirok etmoqda:

🔹 AKFA Group fasad tizimlari, shaffof konstruksiyalar, isitish yechimlari, eshik-rom tizimlari uchun aksessuarlar kabi qurilish sanoati uchun eng zamonaviy yechimlarni namoyish etmoqda. Shu bilan birga, Engelberg brendi ostidagi PVX va alyuminiydan yasalgan premium rom tizimlariga alohida e'tibor qaratildi.

🔹 AKFA Build o‘zining eng ilg‘or mahsulotlarni, jumladan, yuqori samarali sanoat konditsionerlari, zamonaviy isitish tizimlari, lift va eskalatorlar, shuningdek, qurilish materiallarni namoyish etmoqda.

Xolding kompaniyalarining KazBuild ko‘rgazmasida ishtirok etishi innovatsion yo‘nalishlarni rivojlantirish bo‘yicha strategik yo‘nalishni tasdiqlaydi, AKFAning mintaqa qurilish industriyasidagi yetakchilardan biri sifatidagi mavqeini mustahkamlaydi va Markaziy Osiyoda qurilish sanoati kelajagini shakllantirishga hissa qo‘shadi.