Ёшлар учун IMZO бўйлаб фойдали экскурсия

06.06.2024

Сифатли ойна ва ромлар ишлаб чиқарувчиси сифатида нафақат Ўзбекистонда, балки хорижда ҳам танилиб бораётган IMZO фабрикасига ташрифчиларнинг кети узилмайди. Турли делегациялар қатори, олий ўқув юртларининг битирувчилари ҳамда шу соҳада ишлашни хоҳловчилар тез-тез корхонага келиб, унинг фаолияти билан танишиб боришади.

Бугунги ташрифчилар пойтахтимиздаги Хлебушкина номидаги 22- меҳрибонлик уйи тарбияланувчилари. Улар замонавий биноларнинг кўрки ва қалқони бўлаётган ойна ҳамда ромлар қандай тайёрланиши, синовлардан ўтказилиб, мижозларга етказилиши билан атрофлича танишдилар, ўзларини қизиқтирган турли саволларга мутахассислардан жавоб олдилар.

Бундай саёҳатлар ёш авлод учун келажак режаларни тузиши ва касб танлашида алоҳида аҳамиятга эгадир.